«islam dini térrorizmni meniy qilidu»
amérika qoshma ishtatliri pirézidénti barak obama islam dinining térrorizmni meniy qilidighanliqini tekitlep, «islam bashqilargha hörmet qilishni tewsiye qilidighan bir din» dédi.
türkiye awazi radiyosi xewiri: dölitide tunji qétim bir jamede ziyarette bolghan obama, amérikidiki musulmanlargha qarshi bayanatlarni esla qobul qilghili bolmaydighanliqini éytti.
obama amérika qurulghandin tartipla musulmanlarning amérikining muhim bir qismi bolup kelgenlikini, jümlidin jamaet xewpsizliki, axbarat organliri we armiyede tülük wezipilerni ötep, amérikining bixeterlikini qoghdashta nahayiti zor töhpilerni qoshup kéliwatqanliqini tekitlesh bilen bir waqitta, döletning erkinliki üchün küresh qilghanliqini eskertti.
daéshqa oxshighan térrorluq teshkilatlirining ne islamgha, ne musulmanlargha wekillik qilalmaydighanliqini qeyt qilghan obama, daésh öltürgen kishilerning köpinchisining musulman er – ayallar we nariside balilar ikenlikini tekitlep, «islam dini térrorizmni meniy qilidu. jümlidin islam bashqilargha hörmet qilishni tewsiye qilidighan bir din» dédi.
obama, musulman yashlarghimu xitab qilip, «siler hem musulmansiler, hem amérikiliqsiler» dédi.
مۇناسىۋەتلىك خەۋەرلەر
nigériyelik yash süniy chach yasashta jinés dunya rékortigha kirdi
nigériyelik süniy chach ustisi özi yasighan «eng keng süniy chach» jinés dunya rékortigha kirdi.
