islam düshmenlikige qarshi küresh ilmiy muhakime yighini

türkiye awazi radiyosi xewiri: türkiye – amérika medeniyet jemiyiti bilen amérika musulman teshkilatliri kéngishi teripidin birlikte chaqirilghan üch künlük yighinda, dunyaning herqaysi jayliridin kelgen siyasiyonlar, akadémiklar we ammiwi teshkilatlar bir yerge jem boldi.

yighinda, islam düshmenlikini ewj alduruwatqan bayanatlar, musulmanlarning gherb bilen bir gewdilishishi qatarliq mesililer muzakire qilindi.

türkiye – amérika medeniyet jemiyitining ijraiye heyiti ezaliridin chetin güzel bilen amérika musulman teshkilatliri kéngishi namidin usame jamal teripidin ötküzülgen konféranslargha adalet we tereqqiyat partiyesi sirt parlamént ezasi piroféssor doktor yasin aqtay, adalet we tereqqiyat partiyesi merkizi qarar chiqirish we ijraiye heyitining ezasi asuman erdoghan, Georgetown uniwérsitétidin John Esposito , amérika dölet mejlisining ikki musulman ezasidin biri bolghan Keith Allison qatarliq shexslerdin sirt yene, köp sandiki akadémiklar, siyasiyonlar islam düshmenlikige qarshi küreshte tashlinidighan qedemlerni chöridigen halda özara pikir almashturdi.

tashqi ishlar ministiri mewlüt chawushoghlu mektup yollap, yighinning aldi – keynide heqqide xizmet körsetkenlerge rehmet éytti.

yighindin kéyin chawushoghlu namidin oqup ötülgen mektupta, yighinning nahayiti zor ehmiyetke ige ikenliki tekitlinip mundaq déyildi: «biz musulmanlar bolush süpitimiz bilen insaniyetning xelqaraliq qimmet ölchemlirige toshidighan mol qimmet ölchemliri we enenilerge igimiz. tolimu epsuski, bir qisim ashqunlarning islamning tinchliqni mezmun qilidighan wez ـ nesihetlirini xata analiz qilishi netijiside dunyaning herqaysi jaylirida islamning nopuzi we musulmanlargha ziyan yetküzülmekte.»