«ertughrul 1890 » namliq filim oskargha namzat boldi

türkiye awazi radiyosi xewiri: türk hawa yolliri iqtisadiy jehettin qollighan «ertughrul 1890»namliq filim «yaponiyening oskar mukapatliri» dep atilidighan 39-yapon akadémiye mukapatlirida 10 sahe boyiche namzatliqqa körsitildi.

türk-yapon munasiwetlirini kücheytish meqsitide 125 yil ilgiri yolgha chiqqan osmanligha tewe ertughrul namliq herbiy kémining yaponiyening kushimotoda weqege uchrishidin kéyin, yapon xelqining osmanli armiyesi xadimlirini qutquzush üchün körsetken tirishchanliqi bilen bashlighan, yillardin kéyin iran-iraq urushi esnasida téhrangha qapsilip qalghan 215 yapon puqrasining türk hawa yollirigha tewe bir ayropilan bilen türkiyege élip kélinishi bilen téximu kücheygen ikki dölet dostluqi teswirlengen «ertughrul 1890»namliq filim tunji türk-yapon hemkarliship ishligen filim bolushtek alahidilikke igidur.

yapon akadémiye mukapatlirida «eng yaxshi besh filim» saheside 5 namzat arisigha kirishke muweppeq bolghan «ertughrul 1890» « eng yaxshi filim,eng yaxshi sénariye, eng yaxshi er artis, eng yaxshi rézhissor, eng yaxshi süretke élinghan filim, eng yaxshi muzika, eng yaxshi chiraq, eng yaxshi awaz léntisi, eng yaxshi opératorluq, eng yaxshi senet rézhissori»saheliri boyiche namzatliqqa körsitildi.

derijige kireligen eserler 2016-yili 4-martta ötküzülidighan mukapat murasimida élan qilinidu.

bultur öktebir éyida türk-yapon diplomatik munasiwetlirining 125-yilliqi munasiwiti bilen Airbus 330 tipliq bir ayropilanning gewdisini iraq-iran urush esnasida yapon puqralirini qutquzghan eyni dewirdiki ayropilanning rengliri bilen boyap, ayropilanning namini kushimotogha özgertkenidi.