ماكرون فىرانسىيەدە پارلامېنتنى ئەمەلدىن قالدۇرۇپ مۇددەتتىن ئىلگىرى سايلام ئۆتكۈزىدىغان بولدى

تۈركىيە ئاۋازى رادىيوسى خەۋىرى: ياۋروپا پارلامېنتى سايلىمىدا، رادىكال ئوڭچى مىللىي راللى پارتىيەسى %31.50 ئاۋازغا ئېرىشىپ زور پەرق بىلەن بىرىنچىلىكنى ئىگىلىدى.

پىرېزىدېنت ئېممانۇئېل ماكروننىڭ گۈللىنىش پارتىيەسى %15.2 ئاۋازغا ئېرىشىپ ئىككىنچى بولدى.

ئېممانۇئېل ماكرون سايلام نەتىجىسى ۋە رادىكال ئوڭچىلارنىڭ قولغا كەلتۈرگەن ئاۋاز نىسبىتى ھەققىدە توختىلىپ، بۇ ئەھۋالنىڭ ياۋروپانى قوللايدىغان پارتىيەلەر ئۈچۈن ياخشى بولمىغانلىقىنى ئېيتتى.

ئېممانۇئېل ماكرون: «ئەمدىلىكتە مەن ھېچ ئىش بولمىغاندەك ھەرىكەت قىلالمايمەن» دېدى ۋە 30-ئىيۇندىن 7-ئىيۇلغىچە مۇددەتتتىن بۇرۇن ئومۇمىي سايلام ئۆتكۈزۈلىدىغانلىقىنى ئېلان قىلدى.