yawropa ittipaqi bilen moldowa bixeterlik kélishimi imzalidi

türkiye awazi radiyosi xewiri: yawropa ittipaqigha nisbeten bir yéngiliq hésablinidighan mezkur kélishimni yawropa ittipaqining tashqi munasiwet we bixeterlik siyasiti boyiche aliy wekili josép borrél bilen moldowa bash ministiri dorin réyséyan imzalidi.

borrél bayanat bérip: «moldowa yawropa ittipaqi bilen mudapie we bixeterlik saheside hemkarliq kélishimi imzalighan tunji dölet. bu hemkarliq döletning küchini ashuridu, bixeterlik tehditlirige birlikte taqabil turushimizgha, téximu ünümlük tedbirlerni qollinip, yéngi sahelerde hemkarliqlarni ornitishimizgha we bashlishimizgha kapaletlik qilidu» dédi.

yawropa ittipaqi yene, eza döletler bilen birlikte wilnyusta maqullanghan 7 dölet guruhi xitabnamesining dawami süpitidiki bir bixeterlik kélishimi tüzüshke teyyarliq qilmaqta. gérmaniyening «Welt am Sonntag» géziti, bu kélishimning 6-ayning axirighiche tamamlinishining pilanlanghanliqini xewer qildi.