ghezzede israiliyening qetliamlirida ölgen pelestinliklerning sani 37 ming 372 ge yetti

israiliye armiyesining 2023-yili 7-öktebirdin bashlap ghezze rayonida yürgüzüwatqan qetliamliri dawamida qaza qilghan pelestinliklerning sani yéqinqi 24 saet ichide 25 adem köpiyip, 37 ming 372 ge yetti.

2153920
ghezzede israiliyening qetliamlirida ölgen pelestinliklerning sani 37 ming 372 ge yetti

türkiye awazi radiyosi xewiri: ghezzediki pelestin sehiye ministirliqi teripidin élan qilinghan bayanatta, israiliyening uda 256 kündin buyan ghezze rayonida yürgüzüwatqan qetliamliri heqqide melumat bérildi.

bayanatta, israiliye armiyesining yéqinqi 24 saet ichide ghezzening oxshimighan rayonlirida yürgüzgen 3 qétimliq qetliamliri dawamida yene 25 pelestinlikning hayatidin ayrilghanliqi, 80 pelestinlikning yarilanghanliqi bayan qilindi.

israiliyening 7-öktebirdin bashlap ghezze rayonida yürgüzüwatqan qetliamliri dawamida qaza qilghanlar sanining 37 ming 372 ge, yarilanghanlar sanining 85 ming 452 ge yetkenliki eskertildi.

ghezze hökümiti axbarat wastiliri ishxanisi teripidin ghezze rayonidiki acharchiliq kirizisi heqqide élan qilinghan bayanatta, insanperwerlik yardem buyumlirining ghezzege yetküzüp bérilelmesliki netijiside, 3500 balining ozuqluq yétishmeslik sewebidin ölüm xewipige duch kelgenliki qeyt qilindi.


خەتكۈچ: #qetliam , #israiliye , #ghezze

مۇناسىۋەتلىك خەۋەرلەر