éydé norwégiyening nétanyahuni qolgha alidighan yaki almaydighanliqi toghrisidiki soalgha jawab berdi
norwégiye xelqara jinayi ishlar sot mehkimisi israiliye bash ministiri bényamin nétanyahu we dölet mudapie ministiri yoaw gallant üstidin tutush buyruqi chiqarghan teqdirde, xélsinkining uni ijra qilidighanliqini bildürdi.
2142751
türkiye awazi radiyosi xewiri: norwégiye tashqi ishlar ministiri éspén bart éydé norwégiye taratqulirining xelqara jinayi ishlar sot mehkimisining nétanyahu we gallant üstidin «tutush buyruqi» chiqirish toghrisidiki iltimasqa alaqidar soallirigha jawab berdi.
eger xelqara jinayi ishlar sot mehkimisi teripidin tutush buyruqi chiqirilghandin kéyin nétanyahu bilen gallant norwégiye tewelikige qedem basqan teqdirde, xélsénkining buyruqni ijra qilishqa mejbur bolidighanliqigha isharet qilghan éydé, oxshash qedemning üstidin tutush buyruqi chiqirilishi telep qiliniwatqan pelestin islamiy qarshiliq körsitish herikiti — hamas rehbiri üchünmu küchke ige ikenlikini qeyt qildi.
éydé bu siyasetning bashqa yawropa döletlirigimu mas kélidighanliqini sözlirige ilawe qildi.
shundaq qilip, norwégiye tutush buyruqi chiqirilghan teqdirde, nitanyahoni qolgha alidighanliqini élan qilghan tunji yawropa döliti bolup qaldi.
xelqara jinayi ishlar sot mehkimisi bash teptishi kerim xan, 5-ayning 20-küni bayanat élan qilip, özining israiliye bash ministiri bényamin nétanyahu bilen dölet mudapie ministiri gallant üstidin «tutush buyruqi» chiqirish iltimasi sunghanliqini jakarlighanidi.
xelqara jinayi ishlar sot mehkimisi bayanat élan qilip, bash teptish kerim xanning israiliye bash ministiri bényamin nétanyahu bilen dölet mudapie ministiri yoaw gallanttin bashqa, hamas siyasiy biyurosi bashliqi ismail heniyye, hamasning ghezzediki rehbiri yehya sinwar we hamasning herbiy qaniti— izzeddin qessam birigadasi bashliqi muhemmed eddeyf qatarliqlar üstidin «tutush buyruqi» chiqirish iltimasi sunghanliqini uqturghanidi.
