israiliyening ghezzege qiliwatqan hujumigha qarshi naraziliq dolquni kücheymekte
amérikada pelestinni qollash herikiti bashlighan uniwérsitétlarning qatarigha yéngi jérsiy ishtatidiki rutgérs uniwérsitétimu qoshuldi.
türkiye awazi radiyosi xewiri: rutgérs uniwérsitétining oqughuchiliri israiliyege hujum qiilshni toxtitishni chaqriq qilish üchün unwérsitét hoylisigha chédir qurdi.
shiwéyétsariyening zurix uniwérsitétidimu oqughuchilar israiliyening hujumigha naraziliq bildürmekte. bir guruppa oqughuchi ghezzege qiliniwatqan wehshiyane hujumlargha naraziliq bildürüsh üchün jim olturuwélish namayishi qildi.
jenwedimu uniwérsitéttiki pelestinni qollash namayishini saqchilar qattiq qolluq bilen tarqitiwétishke urundi. saqchilar namayish ötküzülgen jayda pelestin bayriqi we lozunkilarni mejburiy toplidi.
namayishqa firansiyening paytexti parizhdiki eng nopuzluq mekteplerning biri bolghan <ENS> ning oqughuchilirimu qatnashti. oqughuchilar mektep baghchisida chédir qurdi.
parizhda yene, israiliyening qoral-yaragh shirketlirining 17 - iyundin 21 - iyunghiche ötküzülidighan xelqaraliq yawropa yermenkisige qatnishishini tosushni telep qilip naraziliq namayishi ötküzüldi.
öktichi siyasiyonlarmu qatnashqan namayishta, «ghezzediki qirghinchiliqni toxtitinglar» we «bizni jimiqturalmaysiler!» dégen shoarlar yézilghan lozunkilar échildi.
