ghezzede israiliyening qetliamlirida ölgenlerning sani 35 ming 709 gha yetti
israiliye armiyesining 2023-yili 7-öktebirdin bashlap ghezze rayonida dawamlashturuwatqan qetliamlirida qaza qilghan pelestinliklerning sani yéqinqi 24 saet ichide 62 adem köpiyip, 35 ming 709 gha yetti.
türkiye awazi radiyosi xewiri: ghezzediki pelestin sehiye ministirliqi teripidin élan qilghan bayanatta, israiliyening uda 229 kündin buyan ghezze rayonida dawamlashturuwatqan qetliamliri heqqide melumat bérildi.
bayanatta, israiliye armiyesining yéqinqi 24 saet ichide ghezzening oxshimighan rayonlirida yürgüzgen 6 qétimliq qetliamliri dawamida yene 62 pelestinlikning hayatidin ayrilghanliqi we 138 pelestinlikning yarilanghanliqi bayan qilindi.
israiliyening 7-öktebirdin bashlap ghezze rayonida dawamlashturuwatqan qetliamlirida qaza qilghanlar sanining 35 ming 709 gha, yarilanghanlar sanining 79 ming 990 gha yetkenliki eskertildi.
bayanatta yene, xarabiliklerning astida we yol boyliridimu ölüklerning barliqi, emma israiliye eskerlirining tosalghu bolushi sewebidin dawalash etretliri bilen xelq mudapie xadimlirining jesetlerni alalmaywatqanliqi tekitlendi.
