iran awstraliyege ultimatom tapshurdi

türkiye awazi radiyosi xewiri: iran tashqi ishlar ministirliqi yazma bayanat élan qilip, awstraliyening téhrandiki wakaletchisige naraziliq ultimatomi tapshurulghanliqini uqturdi.

bayanatta körsitilishiche, awstraliyening téhranda turushluq diplomatigha <kanbérra hökümitining iranning yuqiri derijilik emeldarliri we bir qisim organlirigha jaza yürgüzüshining qanunsizliq qilish we mesuliyetsizlik ikenliki> bildürülüp, téhranning bulargha jawab qayturush hoquqini saqlap qalidighanliqi tekitlengen.

awstraliye tashqi ishlar ministirliqi 14-may yazma bayanat élan qilip, «iranning ottura sherqtiki muqimsizlashturghuchi heriketliri»ge naraziliq bildürüsh meqsitide, dölet mudapie ministiri muhemmed riza ashtiyani we quddus qisimliri qomandani ismail qaani qatarliq iranning 5 yuqiri derijilik emeldarigha jaza yürgüzüshni qarar qilghanliqini élan qilghanidi.