رۇسىيە پېرۋومايسكويې ئولتۇراق رايونىنىڭ كونتىروللىقىنى قولىغا چۈشۈرگەنلىكىنى ئېلان قىلدى

تۈركىيە ئاۋازى رادىيوسى خەۋىرى: رۇسىيە دۆلەت مۇداپىئە مىنىستىرلىقىنىڭ باياناتىدا، رۇسىيە ھەربىي قىسىملىرىنىڭ 2022 - يىلى 24 -  فېۋرالدا باشلانغان رۇسىيە-ئۇكرائىنا ئۇرۇشىدىكى پائالىيەتلىرى ھەققىدە دوكلات بېرىلدى.

دوكلاتتا، رۇسىيە ئارمىيەسىنىڭ ئۇكرائىنادىكى توقۇنۇشىنىڭ داۋاملىشىۋاتقانلىقى ئەسكەرتىلىپ، «مەركىزىي قىسىم گۇرۇپپىسىغا تەۋە ئەترەتلەر ئاۋدىۋىۋكا يۆنىلىشىدە دونېتسىك خەلق جۇمھۇرىيىتىنىڭ پېرۋومايسكويې (پېرۋومايسكې) ئولتۇراق رايونىنى قۇتقۇزۇپ، مەۋجۇت ۋەزىيىتىنى كۈچەيتتى» دېيىلدى.

دوكلاتتا، يېقىنقى 24 سائەت ئىچىدە ئۇكرائىنا ئارمىيەسىگە تەۋە 222 ئۇچقۇچىسىز ئايروپىلاننىڭ ئېتىپ چۈشۈرۈلگەنلىكى ئەسكەرتىلىپ يەنە مۇنداق دېيىلدى:

«ھەربىي ھەرىكەت باشلانغاندىن بۇيان، 583 ئايروپىلان، 270 تىك ئۇچار، 20 مىڭ 826 ئۇچقۇچىسىز ئايروپىلان، 501 ھاۋا مۇداپىئە باشقۇرۇلىدىغان بومبا سىستېمىسى، 15 مىڭ 767 تانكا ۋە برونېۋىك، 1266 كۆپ نولۇق راكېتامىيوت، 8 مىڭ 849 دانە زەمبىرەك ۋە مىناميوت توپى ۋە 20 مىڭ 960 ئۇكرائىنا ھەربىي ئاپتوموبىلى پاچاقلاپ تاشلاندى»