péskow: amérika diqqetni chéchishqa urunuwatidu

türkiye awazi radiyosi xewiri: rusiye pirézidéntliq mehkimisi — kirémil bayanatchisi dimitriy péskow, amérika qoshma ishtatlirining moskwadiki krokus sheherlik hökümet zalida yüz bergen térrorluq hujumini daéshning sadir qilghanliqi éhtimalliqida ching turup, kishilerning diqqitini chéchishqa urunuwatqanliqini éytti.

péskow «izwéstiya géziti»ning soallirigha jawab bérip: «biz tekshürüsh dawamlishiwatqan bolghachqa, diqqitimizni birla xil éhtimalliqqa merkezleshtürmeywatsaq, amérikaliqlarning birla éhtimalliqni küntertipte turup turushqa jüret qilishi, héch bolmighandimu ghelite ish. bu elwette, ularning bashqa bir éhtimalliqning nezerdin saqit qilinishini ümid qilidighanliqidin dérek béridu» dédi.

péskow amérika, ukraina we bashqa döletlerning bayanatliri arqiliq némige yetmekchi bolghanliqini chüshinish üchün, sewrchanliq bilen rusiye istixbarat we tekshürüsh organlirining xizmitini tamamlishini saqlash kéreklikini éytti.

buningdin ilgiri, rusiye fédératsiye bixeterlik idarisi bashliqi aléksandir bortnikow konsért zalidiki hujumning arqisida amérika, engliye we ukrainaning barliqini jakarlighanidi.