kolombiye pirézidénti pétro ghezzeni xiroshimagha oxshatti
kolombiye pirézidénti gustaw pétro israiliyening hujumlirida 32 mingdin artuq kishining hayatidin ayrilghanliqini eskertip, ghezzede yüz bériwatqan ishlarni atom bombisi tashlanghan yaponiyening xiroshima shehirige oxshatti.
türkiye awazi radiyosi xewiri: kolombiye pirézidénti gustaw pétro ijtimaiy taratqudiki adrésida ghezzediki acharchiliq sewebidin qaza qilghan pelestiniklerge munasiwetlik bir xewerni hembehrilep: «amérika qoshma ishtatliri xiroshimagha atom bombisi tashlighanda, u yerde 77 mingdin artuq adem qaza qilghanidi. bügün yaponiyege sélishturghanda xélila kichik bolghan bir dölette — pelestinde, yeni xiroshimadin kichik bir sheher bolghan ghezzediki bombardimanlarda 32 mingdin artuq adem qaza qildi. oxshash hékaye» dédi.
pirézidént pétro ghezzede keltürüp chiqirilghan weyranchiliqni tilgha élip: «dunyaning chong paytextliri insaniyetke özlirining buyruqlirini téngish üchün, ghayet zor herbiy küchlirini angsizlarche ishqa salmaqta» dégenlerni qeyt qildi.
