baydin: ghezzege hawadin yardem eshyaliri tashlashni bashlaymiz
amérika pirézidénti jo baydin aldimizdiki künlerde ghezzege hawadin insanperwerlik yardimi tashlashni bashlaydighanliqlirini we rayongha téximu köp insanperwerlik yardimi yetküzüp bérish üchün, israiliye bilen qoyuq alaqilishiwatqanliqlirini bildürdi.
türkiye awazi radiyosi xewiri: aqsarayda italiye bash ministiri géorgiya mélonini kütüwalghan baydin, küntertiptiki mesililer toghrisida bayanat berdi.
baydin yardem saqlawatqan esnada israiliye armiyesi teripidin étip öltürülgen ghezzelik puqralar heqqide toxtilip: «ghezzening shimalida (pelestinlikler) yardem kütüwatqanda yüz bergen weqe échinishliq we qorqunchluq idi. u yerdiki kishilerning hayatidin ayrilishi tolimu échinishliq» dédi.
yardem saqlawatqan bigunah kishilerning «urush oti» ichide qalghanliqini tilgha alghan baydin: «ular yardem kütüwatqanda duch kelgen ehwalni kördünglar. biz téximu köp ish qilishimiz kérek, amérika bolush süpitimiz bilen, biz choqum qilimiz» dédi we sözini dawamlashturup: «biz aldimizdiki künlerde iyordaniyege qoshulup, hawadin (ghezzege) insanperwerlik yardimi tashlashni bashlaymiz» dégenlerni qeyt qildi.
diqqet qilishqa erziydighini shuki, baydin ghezzege hawadin yardem bérish toghrisida qilghan sözi jeryanida, ghezzening ornigha ikki qétim «ukraina» dégen.
baydin israiliye terep bilen rayongha téximu köp yardem yetküzüp bérish mesilisi toghrisidiki söhbetni dawamlashturuwatqanliqini؛ bu dairide ghezzege déngiz karidori échip yardem yetküzüp bérish mesilisiningmu muzakire qiliniwatqanliqini sözlirige ilawe qildi.
israiliye bilen hamasning alte heptilik waqitliq urush toxtitish kélishimi hasil qilishini qolgha keltürüsh üchün alahide küch chiqarghanliqlirini bildürgen baydin, bu mezgilde esirlerning qoyup bérilishi we ghezzege yéterlik derijide yardem yetküzüp bérilshiining mumkinlikini eskertti.
مۇناسىۋەتلىك خەۋەرلەر
xitaydiki quyun apitide 5 xitay ölüp, 33 i yarilandi
xitayning jenubida yüz bergen quyun apiti sewebidin 5 xitay ölüp, 33 i yarilandi.
