baydin bilen sholz ukrainani küchlük qollash kéreklikini tekitlidi
amérika prézidénti jo baydin we gérmaniye bash ministiri olaf sholz gherbning ukrainani dawamliq küchlük qollishi kéreklikini tekitlidi.
türkiye awazi radiyosi xewiri: baydin aqsarayda sholzni kütüwaldi. ikki rehber axbaratqa bergen bayanatida, ukrainani qollash heqqidiki köz qarashlirini otturigha qoydi.
baydin amérika palatasidiki jumhuriyetchilerni «ukrainani qollashqa toshqunluq qilish» bilen eyibliep, buning asasen dégüdek bir jinayi qilmish ikenlikini ilgiri sürdi. mezkur yardemlerning choqum ukrainagha ewetilishi kéreklikini tekitlep, bu mesilide amérika we yawropa döletlirining dawamliq hemkarlishidighanliqini éytti.
sholzmu gherb döletlirining qollishi bolmay turup, ukrainaning öz zéminini qoghdiyalmaydighanliqini eskertip, baldurraq rusiyege qarshi ukrainagha yéngi yardemlerning ewetilishi kéreklikini bildürdi.
sholz amérikiliq zhurnalist takér karlsonning rusiye pirézidénti wiladimir putin bilen ötküzgen söhbitini tenqid qilip, buning putinning (2022-yili 24- féwralda) ukrainagha qilghan hujumigha munasiwetlik tarixi mesililerni burmilash bolghanliqini éytti.
