ئۇكرائىنا ئارمىيەسىنىڭ لۇخەنسك رايونىغا قىلغان ھۇجۇمدا 20 كىشى قازا قىلدى

تۈركىيە ئاۋازى رادىيوسى خەۋىرى: مىنىستىرلىقنىڭ باياناتىدا، ھۇجۇمدا يەنە 10 كىشىنىڭ يارىلانغانلىقى ھەمدە خارابىلىك ئاستىدىكى كىشىلەرنى قۇتقۇزۇش خىزمەتلىرىنىڭ داۋاملىشىۋاتقانلىقى ئۇقتۇرۇلدى.

رۇسىيە تاشقى ئىشلار مىنىستىرلىقى باياناتچىسى مارىيا زاھاروۋا ھۇجۇم جەريانىدا ناۋايخانىدا نەچچە ئون پۇقرانىڭ بارلىقىنى بىلدۈرۈپ، بۇ ھەرىكەتنىڭ «تېررورلۇق ھۇجۇمى» ئىكەنلىكىنى ئېلان قىلدى.

ئۇكرائىنانىڭ دونېتسىك، لۇخەنسك، زاپورىجيا ۋە ھېرسون رايونلىرى رۇسىيە پىرېزىدېنتى ۋىلادىمىر پۇتىننىڭ 2022-يىلى 30-سېنتەبىردە ئىمزالىغان پەرمانى بىلەن قانۇنسىز قوشۇۋىلىنغان ئىدى.