türkiye - pelestin dostluq doxturxanisining mudiri türkiyedin yardem soridi

türkiye awazi radiyosi xewiri: türkiye – pelestin dostluq doxturxanisining meshghulatliri israiliyening 7 – öktebirdin buyan dawamlishiwatqan hujumliri we muhasiriler tüpeyli toxtap qalghanidi. doxturxana mudiri subhi sukeyk türkiyege chaqiriq qilip: «doxturxanining qaytidin xizmetke kirishtürülüshi üchün, biz qérindash dölet türkiyedin yardem soraymiz» dédi.

u, israiliyening qamali sewebidin doxturxanidiki rak bimarlirini dawalashta ishlitilidighan dorilarning tügep ketkenlikini tekitlidi.

sukeyk bezi bimarlarning türkiyeni öz ichige alghan bashqa döletlerge ewetilgenlikini bayan qilip, türkiye-pelestin dostluq doxturxanisining ghezzediki rak bimarliri üchün, birdinbir «ümid ishiki» ikenlikini eskertti.

doxturxana bashliqi türkiye we dunyagha xitab qilip: «biz bolupmu qérindash dölet türkiyedin bimarlarning yötkilishige ruxset qilinishini we dawalashqa éhtiyajliq dorilar bilen teminlishini telep qilimiz» dédi.