firansiye ghezzege tik uchar ewetti
firansiye ghezzege israiliyening hujumlirida yarilanghanlarni doxturxana mulazimiti bilen teminleydighan tik uchar ewetti .
türkiye awazi radiyosi xewiri: firansiye dölet mudapie ministiri sébastiyén lékornuning ammiwi ortaqlishish tor béti X sehipiside élan qilghan bayanatida bildürüshiche, firansiye ghezzege ewetken tik ucharda 40 kariwat, ikki opératsiyexana, bir X nuri öyi we bir tejribixana bar iken.
bu tik uchar bolupmu ehwali éghir yaridar balilarni doxturxana mulazimiti bilen teminleydiken.
«Dixmude» namliq tik uchar bir nechche kün ichide misirgha yétip baridiken.
firansiye aldinqi aydimu ghezzege «tonérré» namliq tik uchar ewetkenidi.
israiliye doxturxanilarni hujum nishani qiliwatqan we puqralar ölüp kétiwatqan ghezze rayonida sehiye mulazimiti toxtap qalghan bolup, firansiye ewetken tik ucharlarda yéterlik kariwat bolmighanliqi üchün, öktichilerning tenqidige uchrimaqta iken.
hamasning herbiy qaniti bolghan qessam birigadiliri 7-öktebir (2023) shenbe küni israiliyege qarshi «eqsa topani» namliq keng kölemlik hujum qozghighanliqlirini élan qilghanidi.
israiliye armiyesi bolsa, urush ayropilanliri bilen ghezze shehirige «tömür qilich herikiti» qozghighanliqlirini bildürgenidi.
igilinishiche, israiliyening barghanséri keskinlishiwatqan hujumliri dawamida, köpinchisi balilar bolup, 13 mingdin artuq pelestinlik jénidin ayrilghan.
مۇناسىۋەتلىك خەۋەرلەر
