blinkén amérikaning israiliyening refahqa qilghusi hujumi tüghrisidiki pozitsiyesini otturigha qoydi
amérika tashqi ishlar ministiri antoni blinkén: «puqralargha ziyan yetküzülmeydighan bir pilan otturigha qoyulmisa, bizning refahqa qaritilidighan keng kölemlik bir ni qollishimiz mumkin emes» dédi.
2133621
türkiye awazi radiyosi xewiri: ministir antoni blinkén 7-öktebirdin buyan dawam qiliwatqan ghezzediki urushning axirlishishi we pelestin dölitining qurulushini yaqlaydighan bir heriket pilanini shekillendürüshning zörüriyitini tekitlidi.
ottura sherqte 1948-yilidin buyanqi eng éghir kirizislerning birini bashtin kechürüwatqanliqlirigha isharet qilghan blinkén, amérika qoshma ishtatlirining rayon we dunyaning her qaysi jayliridiki ittipaqdashliri bilen birlikte ghezzediki toqunushlargha xatime bérish we uning téximu keng rayonlargha kéngiyip kétishining aldini élishqa tirishiwatqanliqini éytti.
u israiliyening refahqa hujum qilish pikride ching turuwélishi toghrisida toxtilip: «puqralargha ziyan yetküzülmeydighan bir pilan otturigha qoyulmisa, bizning refahqa qaritilidighan keng kölemlik bir <herbiy heriket>ni qollishimiz mumkin emes» dédi we sözini dawamlashturup, israiliyening hazirghiche refahtiki puqralargha ziyan yetküzülmeydighanliqigha kapaletlik qilidighan birer pilanni otturigha qoymighanliqini eskertti.
ministir blinkén amérika uniwérsitétliridiki ghezzege hésdashliq qilish namayishliri toghrisida toxtilip: «bu namayishlar puqralirimizning ghezzediki puqralar, ayallar we balilar tartiwatqan azablargha bolghan iztirabini eks ettüridu, men buni yaxshi chüshinimen» dédi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
