jenubiy koréye bilen amérika birleshme herbiy manéwir bashlidi

türkiye awazi radiyosi xewiri: jenubiy koréye déngiz armiyesi bayanat élan qilip, tünügün bashlanghan sherqiy déngizdiki manéwirning töt kün dawam qilidighanliqini uqturdi.

bayanatta, manéwirgha jenubiy koréye déngiz armiyesining 10 urush paraxoti we "ROKS Seoae Ryu Seong-ryong" namliq qoghlighuchi paraxoti bilen amérika déngiz armiyesining qoghlighuchi paraxoti «rafail péralta» ning qatnishiwatqanliqi qeyt qilindi.

bayanatta yene, manéwirgha paraxotlardin bashqa, jenubiy koréyening su asti paraxotlargha qarshi ishlitilidighan P-3 tipliq urush ayropilani bilen F-15K we FA-50 urush ayropilanlirining, amérika qoshma ishtatlirining bolsa, A-10 tipliq hujumchi ayropilanlirining qatnishiwatqanliqi eskertildi.

bayanatta, ikki dölet herbiy qisimlirining «charlash, düshmen su asti paraxotlirini yoqitish» we «alahide qisim etretliri»ge taqabil turush üchün istratégiyelirini tetbiqlashqa tirishiwatqanliqi tekitlendi.