gherbiy qirghaqtiki tul kerim lagérigha rakéta étildi, üch pelestinlik jénidin ayrildi

türkiye awazi radiyosi xewiri: pelestin wafa (WAFA) agéntliqining xewiride qeyt qilinishiche, tul kerimdiki sabit doxturxanisigha isirailiyening uchqusidin étilghan rakétaning chüshüshi netijiside üch pelestinik jénidin ayrilghan.

tul kerim musapirlar lagérigha bésip kirgen isirailiye eskerliri bilen pelestinlik yashlar otturisida éghir toqunush yüz berdi. rayondiki öylerning ögzisige orunlashqan isirailiye mergenlirining pelestinliklerni oqqa tutqanliqi, jénidin ayrilghanlardin bashqa, töt pelestinlik yashning mergenler atqan oqta yarilanghanliqi qeyt qilindi.

yene bir tereptin, isirailiye eskerlirining yaridarlarni doxturxanigha apirish üchün rayongha kelgen qutquzush mashinilirini tosup, qattiq tekshürüshlerdin kéyin yaridarlarni qutquzushqa ruxset qilghanliqi eskertildi. dawalinish üchün doxturxanigha apirilmaqchi bolghan bir yaridar pelestinlikning isirailiye eskerliri teripidin mejburiy mashinidin chüshürülüp qolgha élinghanliqi bildürüldi.

tul kerim musapirlar lagéridiki islamiy we milliy qarshiliq körsitish guruppiliri, omumiyüzlük ish tashlidi. iyordan deryasining gherbiy qirghiqigha jaylashqan elxalil shehirining sherqidiki beyt aynun etrapida, isirailiye eskerliri bir pelestinlik yashni étip öltürdi.

shuning bilen, iyordan deryasining gherbiy qirghiqida 7-öktebir (2023) din buyan isirailiye eskerliri we yehudiy köchmenliri teripidin öltürülgen pelestinliklerning sani 193 ke chiqqan boldi.