reisi: israiliye pelestinde insaniyetke qarshi jinayetlerni sadir qilmaqta
iran pirézidénti ibrahim reisi xelqara jemiyetni israiliye sadir qiliwatqan jinayetlerge qarshi mesuliyitini ada qilishqa chaqirdi.
türkiye awazi radiyosi xewiri: iranliq oqughuchilar xewer agéntliqi — sna, iran pirézidénti ibrahim reisining ichki kabinit yighinidiki sözini israiliyening pelestinde sadir qiliwatqan jinayetlirini eyiblesh bilen bashlap: «zionistlar dunyaning közi aldida insaniyetke qarshi jinayetlerni sadir qiliwatidu» dégenlikini xewer qildi.
xewerde körsitilishiche, ibrahim reisi xelqara jemiyetke xitab qilip: «pütkül xelqaraliq organlar we teshkilatlar birmu mustesnasiz halda wezipisini ada qilishi kérek» dégen.
pelestin islamiy qarshiliq körsitish herikiti – hamasning herbiy qaniti bolghan «qessam birigadisi» shenbe küni israiliyege qarshi «eqsa topani» namliq keng kölemlik hujum qozghighanliqini élan qilip, ghezzedin israiliyege qaritip minglarche rakétamiyot atqan we qoralliq guruppilar rayondiki ahaliler rayonlirigha basturup kirgenidi.
arqidin israiliye armiyesi urush ayropilanliri bilen ghezzege qarshi «tömür qilichlar» herikitini qozghighanliqini élan qilghanidi.
künséri keskinlishiwatqan toqunush jeryanida ikki tereptin yüzlerche kishi talapetke uchridi.
مۇناسىۋەتلىك خەۋەرلەر
xitaydiki quyun apitide 5 xitay ölüp, 33 i yarilandi
xitayning jenubida yüz bergen quyun apiti sewebidin 5 xitay ölüp, 33 i yarilandi.
