isirailiye bowaqlartoghrisidiki xewerlerni ret qildi

türkiye awazi radiyosi xewiri: isirailiye armiyesi bayanat élan qilip, taratqularda tarqiliwatqan «hamasning bowaqlarning béshini keskenliki» toghrisidiki xewerlerni toghrilaydighan melumatlarning yoqluqini bildürdi.

anadolu agéntliqining muxbirliri isirailiye armiyesining uchur-alaqe ishlirigha mesul organlirigha téléfon qilip: «hamasning hujumliridin kéyin, isirailiyede <béshi késilgen bowaqlar> ning tépilghanliqi toghrisida xewerler tarqaldi, bu rastmu yaki bu heqte melumat bérelemsiler?» dep soal soridi.

isirailiye terep: «xewerlerni bizmu körduq, emma qolimizda héchqandaq tepsiliy melumat we bulargha munasiwetlik héchqandaq delil yoq» dep jawab berdi.

hamas herikiti mesulliridin talal nassar qolgha chüshürülgen isirailiyelik esirlerge qiyin-qistaq qilinghanliqi yaki bu esirlerning öltürülgenlikige munasiwetlik söz-chöcheklerni ret qildi .

u qatarning eljezire téléwiziyesining ziyaritini qobul qilghanda, «hamasning isirailiyelik esirlerni öltürüshi we ulargha qiyin-qistaq qilishi mumkin emes. qoli qangha boyalghan heqiqi jinayetchiler, heqiqetni burmilighan ishghalchilardur. qarshiliq körsitish küchliri esirlerge insaniy muamile qiliwatidu» dédi.

hamasning herbiy qaniti qassam birigadiliri shenbe (7-öktebir) küni isirailiyege «eqsa topani» namida keng kölemlik hujum bashlighanliqini élan qilghan idi. hamasning hujumida, ghezzedin isirailiyege minglarche rakéta étilghan we qoralliq guruppilar rayondiki ahaliler rayonigha bésip kirgen idi.

isirailiye armiyesimu buninggha qarita «tömür qilich» namliq heriket bashlighan idi.

ikki terepning toqunushlirida yüzlerche kishi jénidin ayrildi.