taliban shiwéytsiyening afghanistandiki paaliyetlirini toxtatti
taliban hökümiti shiwéytsiyening afghanistandiki barliq paaliyetlirining quran kerimning köydürülüshige yol qoyghanliqi üchün toxtitilghanliqini jakarlidi.
türkiye awazi radiyosi xewiri: taliban waqitliq hökümitining bayanatchisi zebihullah mujahid ammiwi ortaqlishish tor bétidiki sehipiside élan qilghan bayanatida, quran kerimni köydürüshke yol qoyghanliqi üchün, taki musulmanlardin kechürüm sorighangha qeder shiwéytsiyening afghanistandiki barliq paaliyetlirining toxtitilghanliqini bayan qildi.
mujahid quran kerimni köydürüshni peskerleche qilmish dep atidi, hemde barliq islam döletlirining shiwéytsiye bilen bolghan munasiwetlirini qayta közdin kechürüshi kéreklikini éytti.
talibanlar 2021-yili 15-awghust küni afghanistanda hakimiyetni qolgha kirgüzgendin kéyin, shiwéytsiyeni öz ichige alghan nurghun döletlerning kabuldiki wakaletxanilirini taqighan bolsimu, emma shiwéytsiyening bir qisim insanperwerlik yardem teshkilatliri bu dölettiki paaliyetlirini dawamlashturghanidi.
shiwéytsiyening paytexti stokholmda, esli iraqliq salwan momika 28-iyun küni stokholm jamesining aldida saqchilarning qoghdishi astida quran kerimni köydürgenidi.
مۇناسىۋەتلىك خەۋەرلەر
israiliyelikler bashqa döletlerge chiqip kétishni dawamlashturmaqta
2024-yilning deslepki 7 éyida 40 ming israiliyelik döletni terk etti.