gollandiyede toluqsiz we toluq ottura mekteplerde yanfon cheklendi
gollandiyede toluqsiz we toluq ottura mekteplerde yanfon, taxta kompyutér we eqliy iqtidarliq qol saetlerni sinipqa élip kirishni cheklesh qarar qilindi.
türkiye awazi radiyosi xewiri: gollandiye hökümiti toluqsiz we toluq ottura mekteplerde yanfon, taxta kompyutér we eqliy iqtidarliq qol saetlerni sinipqa élip kirishni cheklesh toghrisida qarar chiqardi.
bu heqtiki yazma bayanatta, maarip, medeniyet we ilim-pen ministirliqining maarip sahesidiki organlar bilen birlikte maqullighan qararigha asasen toluq we toluq ottura mekteplerning siniplirida yanfunning cheklinidighanliqi bildürüldi.
bayanatta, téléfon ishlitishning oqughuchilarning diqqitini chachidighanliqi we öginish iqtidarini ajizlashturidighanliqi sewebidin mezkur qararning chiqirilghanliqi, eqliy iqtidarliq saet we taxta kompyutérlarningmu cheklesh dairisige kirgüzülgenliki bildürüldi.
maarip ministiri robbért dijkraf: «gerche téléfon hayatimizning her qaysi tereplirini qaplap ketken bolsimu, siniplarda bolmasliqi lazim. oqughuchilar zéhnini yighish we yaxshi öginish üchün barliq pursetlerge ige bolushi kérek. oqughuchilarni bu ehwallardin qoghdishimiz lazim» dédi.
«buningdin kéyin <TikTok> sinlirini körüsh, sawaqdashlargha qisqa uchur yollash yaki <Snapchat> te resim hembehrlesh yoq» déyilgen bayanatta yene, bu belgilimining uniwérsitétlarni öz ichige almaydighanliqi uqturuldi.
bayanatta, téléfonni cheklesh qararini yolgha qoyushning mektep idare heyiti, oqutquchilar, ata-anilar we oqughuchilargha qaldurulghanliqi eskertildi. 2024-yili 1-yanwardin étibaren ijra qilinishqa bashlinidighan belgilimining eger 2023-yildin 2024-yilghiche bolghan oqush mewsumi axirida arzu qilinghan muweppeqiyetke érishelmise, zörür tépilghanda uni qanuniy belgilimige aylandurghili bolidighanliqi uqturuldi.
