ispaniye  taratquliri jumhur reis erdoghanning ziyaritige keng orun ajratti

ispaniye  taratquliri dölitimiz (türkiye jumhuriyiti) jumhur reisi rejep tayyip erdoghanning madrid ziyaritige keng orun ajratti.

2152565
ispaniye  taratquliri jumhur reis erdoghanning ziyaritige keng orun ajratti

türkiye awazi radiyosi xewiri: ispaniyening döletlik radiyo-téléziye shirkiti (RTVE) jumhur reis erdoghan bilen ispaniye bash weziri pédro sanchézning uchrishishining küntertipini ghezze maddasi we madridning pelestinni étirap qilish qarari teshkil qilghanliqini tekitlidi.

«‹El Pais› géziti», türkiye bilen ispaniyening iqtisadiy munasiwetlerni yenimu tereqqiy qildurushni nishan qiliwatqanliqini oqurmenlirining diqqitige sundi.

«‹ABC› géziti», türkiye jumhuriyiti  jumhur reisi rejep tayyip erdoghanning madrid ziyaritining, bolupmu bu ziyaret dairiside iqtisadiy we soda dunyasigha munasiwetlik türlük kélishimlerning imzalinishining, türkiye – ispaniye munasiwetlirining yenimu yüksek sewiyege yetküzülüshide türtkilik rol oynaydighanliqini yazdi.

merkiziy madridqa jaylashqan axbarat wastisi «20 minut» mu jumhur reis rejep tayyip erdoghanning ispaniye ziyariti heqqide maqale élan qildi.

maqalide, bu ziyaretning ispaniye üchün alahide ehmiyetke ige ikenliki tekitlendi, shundaqla türkiyening sherqiy yawropa we afriqadiki nopuzining nahayiti küchlük bolup, ispaniyening bu rayonlargha yüzlinishni nishan qiliwatqanliqi otturigha qoyuldi.


خەتكۈچ: #ziyaret , #erdoghan , #ispaniye

مۇناسىۋەتلىك خەۋەرلەر