نۇرغۇن دۆلەتلەر سۇداندىكى پۇقرالىرىنى تارقاقلاشتۇرۇشنى داۋاملاشتۇرماقتا

تۈركىيە ئاۋازى رادىيوسى خەۋىرى: تۈركىيە، ئامېرىكا، خىتاي، رۇسىيە، ئەنگلىيە، فىرانسىيە ۋە سەئۇدى ئەرەبىستاننى ئۆز ئىچىگە ئالغان 50 نەچچە دۆلەت ئېفىيوپىيە ۋە مىسىر ئارقىلىق قۇرۇقلۇق يولى، سۇدان پورتى ئارقىلىق دېڭىز يولى ۋە پورت سۇدان ئايدرودرۇمى ئارقىلىق ھاۋا يولى بىلەن پۇقرالىرىنى تارقاقلاشتۇرۇشنى داۋاملاشتۇرماقتا.

ھەرقايسى دۆلەتلەرنىڭ پورت سۇدان ئايرودۇرۇمىغا قونغان ھەربىي ۋە يولۇچىلار ئايروپىلانلىرى سۇداندىن تارقاقلاشتۇرۇلۇشىنى خالايدىغان پۇقرالىرىنى دۆلەتلىرىگە توشۇيدۇ.

ئىگىلىنشىىچە، ئاخىرقى قېتىم ھىندونېزىيە ھاۋا ئارمىيەسىنىڭ بىر ئايروپىلانى سۇداندىكى ھىندونېزىيە پۇقرالىرىنى ئېلىپ دۆلىتىگە قايتقان.