ئەمىنە ئەردوغان نورۇز بايرىمىنى تەبرىكلىدى
دۆلىتىمىز (تۈركىيە جۇمھۇرىيىتى) جۇمھۇر رەئىسى رەجەپ تاييىپ ئەردوغاننىڭ رەپىقىسى ئەمىنە ئەردوغان 21 – مارت نورۇز بايرىمى كۈنىنى تەبرىكلىدى.
1963022
تۈركىيە ئاۋازى رادىيوسى خەۋىرى: ئەمىنە ئەردوغان ئاممىۋى ئورتاقلىشىش تور بېتى Twitter سەھىپىسىدە نورۇز بايرىمىنى تەبرىكلەپ ئېلان قىلغان باياناتىدا، مۇنداق دېدى: «باھار كەلگەن ھامان زېمىن يامغۇر بىلەن جانلىنىپ كېتىدۇ، قوياش چاقنايدۇ، تەبىئەت مىڭبىر تۈرلۈك يېشىللىققا پۈركەنگەن ھالدا ئويغىنىدۇ. 21 – مارت نورۇز بايرىمى كۈنى بولسا ئەنە شۇ باھارنىڭ ئويغانغانلىقىنىڭ خەۋەرچىسىدۇر. دەرۋەقە، نورۇز بايرىمى ئۈمىدنىڭ، شىپالىقنىڭ سىمۋولىدۇر. باھار بىلەن بىرلىكتە ئازاب - ئوقۇبەتنىڭ ياخشىلىق، گۈزەللىك ۋە خۇشاللىققا ئايلىنىشىنى چىن دىلىمدىن ئۈمىد قىلىمەن. پۈتكۈل ئىنسانىيەتنىڭ نورۇز بايرىمىنى قىزغىن تەبرىكلەيمن.»
