پولشادىكى ئۇكرائىنا مۇساپىرلىرىنىڭ سانى 10 مىليون 500 مىڭدىن ئېشىپ كەتتى
20-مارتقىچە، ئۇكرائىنادىن پولشاغا كىرگەن مۇساپىرلارنىڭ سانى 10 مىليون 500 مىڭدىن ئېشىپ كەتتى.
1962331
تۈركىيە ئاۋازى رادىيوسى خەۋىرى: پولشا چېگرا مۇھاپىزەتچىلىرىنىڭ ئاممىۋى ئورتاقلىشىش تور بېتى Twitter سەھىپىسىدە ئېلان قىلىنغان باياناتىدا بىلدۈرۈلۈشىچە، ئۇكرائىنا-رۇسىيە ئۇرۇشى باشلانغان (2022-يىلى 24 – فېۋرال) دىن بۇيان ئۇكرائىنا مۇساپىرلىرى پولشاغا تۈركۈم – تۈركۈملەپ كىرىشكە باشلىغان.
پولشاغا پەقەت تۈنۈگۈنلا (19-مارت) ئۇكرائىنادىن 23 مىڭ 900 كىشى كىرگەن بولۇپ، ئۇكرائىنا-رۇسىيە ئۇرۇشى باشلانغاندىن بۇيان ئۇكرائىنادىن پولشاغا كىرگەن مۇساپىرلارنىڭ سانى 10 مىليون 500 مىڭدىن ئېشىپ كەتكەن.
پولشادىن ئايرىلغان ئۇكرائىنالىقلارنىڭ ئومۇمىي سانى بولسا 8 مىليون 600 مىڭغا يەتكەن.
پولشادا ئېلىپ بېرىلغان راي سىناش نەتىجىسىگە قارىغاندا، بۇ دۆلەتتىكى% 81 كىشى رۇسىيە-ئۇكرائىنا ئۇرۇشى سەۋەبىدىن پولشاغا كەلگەن مۇساپىرلارنى قوللاش كېرەك دەپ قارايدىكەن.
