ékwadorda yüz bergen 6.7 bal yer tewreshte 13 kishi qaza qildi

türkiye awazi radiyosi xewiri: ékwador pirézidéntliqining tor bétide élan qilinghan balaw shehirining sherqiy shimaligha 6 kilomitir kélidighan jayda yüz bergen 6.7 bal yer tewreshke munasiwetlik bayanatta, 13 kishining hayatidin ayrilghanliqi we izdesh - qutquzush xizmitining dawam qiliwatqanliqi uqturuldi.

xeterlerni bir terep qilish katibatliqining bayanatida, qaza qilish weqesining köpinchisining péru chégrasidiki él oro ölkiside yüz bergenliki we 126 kishining yarilanghanliqi bildürüldi.

yer tewreshte hazirghiche 17 mektep, 31 sehiye merkizi we 50 bina ziyangha uchridi, 7 bina pütünley örülüp chüshti.

kuénka, machala we gwayakilda bezi binalarning örülüp chüshkenliki, qaza qilghanlar sanining téximu éshishi mumkinliki bildürüldi.

tünügün yer yüzidin 65.7 kilométir chongqurluqta yüz bergen yer tewresh, qoshna dölet pérudimu hés qilinghan idi.