ئەنگلىيەدە پاناھلىق تىلىگەن بالىلارنىڭ يوقاپ كەتكەنلىكى بىلدۈرۈلدى

تۈركىيە ئاۋازى رادىيوسى خەۋىرى: ئەنگلىيە ئىچكى ئىشلار ۋازارىتى ئەمەلدارى سىمون مۇرراي ئاۋام پالاتاسىدىكى سۆزىدە، پاناھلىق تىلىگەن 200 دەك بالىنىڭ يوقاپ كەتكەنلىكىنى ئوتتۇرىغا قويدى.

ئۇ ھۆكۈمەت باشقۇرۇۋاتقان ياتاقلارغا ئورۇنلاشتۇرۇلغاندىن كېيىن يوقاپ كەتكەن نۇرغۇن بالىلارنىڭ، ئىز قوغلاپ تەكشۈرۈش نەتىجىسىدە تېپىلغانلىقىنى بىلدۈردى.

مەزكۇر بالىلارنىڭ ئىچىدە بىر قىز ۋە كەم دېگەندە 16 ياشتىن تۆۋەن 13 كىشىنىڭ بارلىقىنى، بالىلارنىڭ %88 نىڭ ئالبانىيە پۇقراسى ئىكەنلىكىنى تىلغا ئالغان مۇرراي، «بالىلارنىڭ غايىب بولۇش سەۋەبىنى ئومۇملاشتۇرۇپ ئوتتۇرىغا قويۇش» نىڭ خاتا ئىكەنلىكىنى سۆزلىرىگە ئىلاۋە قىلدى.