ئەنگلىيە ۋە گاللېر رايونىدا سېسترالار ئىش تاشلايدىغانلىقىنى بىلدۈردى

تۈركىيە ئاۋازى رادىيوسى خەۋىرى: ئەنگلىيە مىقياسىدا 300 مىڭدىن ئارتۇق ئەزاسى بار بولغان ۋە سېسترالارغا ۋەكىللىك قىلىدىغان RCN (خان جەمەتى سېسترالار ئىنىستىتۇتى) بىرلەشمىسى تەرىپىدىن ئېلان قىلىنغان باياناتتا، تارىختىكى ئەڭ چوڭ ئىش تاشلاشنىڭ 2-ئايدا ئېلىپ بېرىلىدىغانلىقى ئۇقتۇرۇلدى.

باياناتتا، ئەنگلىيە ۋە گاللېر رايونىدا 1-ئاينىڭ ئاخىرىغىچە سۆھبەتلەردە ئىلگىرىلەش بولمىسا، 6-7-فېۋرال كۈنلىرى ئىش تاشلىنىدىغانلىقى بىلدۈرۈلدى.

مۆلچەرلىنىشىچە، ئەنگلىيەدە سېسترالار يەنە 18-ۋە 19-يانۋار كۈنلىرىمۇ ئىش تاشلايدىكەن.

ئەنگىلىيە، گاللېر ۋە شىمالىي ئىرېلاندىيەدە ئون مىڭلىغان سېسترالار 2022 - يىلى 12-ئاينىڭ 15-ۋە 20-كۈنلىرى ئىش تاشلىغانىدى.

ئىگىلىنىشىچە، ئەنگلىيە خان جەمەتى سېسترالار ئىنىستىتۇتى بىرلەشمىسى مائاشلىرنىڭ %19 ئۆستۈرۈپ بېرىلىشىنى تەلەپ قىلماقتا ئىكەن، ئەنگلىيە ھۆكۈمىتى بولسا، بۇ تەلەپنى قوبۇل قىلىشنىڭ مۇمكىن ئەمەسلىكىنى بىلدۈرمەكتە ئىكەن.