burkina faso firansiye bash elchisini «qarshi élinmaydighan adem» dep jakarlidi

türkiye awazi radiyosi xewiri: burkina faso hökümi bayanatchisi zhan émmanuél owédrago, tashqi ishlar ministirliqining 2019-yili 9-séntebirdin buyan firansiyening wagaduguda turushluq bash elchisi bolup wezipe ötigen xalladning dölet tewelikidin chiqip kétishini resmiy telep qilghanliqini bildürdi؛ emma, u, firansiye bash elchisini chégradin qoghlap chiqirish sewebining némiler ikenlikini ashkarilimidi.

burkina faso aldinqi ayda firansiye tashqi ishlar ministirliqigha resmiy mektup yollap, wagadugu bash elchisi xalladni qayturup kétishini telep qilghanidi.

12-ayning 23-küni, burkina faso tashqi ishlar ministirliqi héchqandaq seweb körsetmeyla birleshken döletler teshkilati (b d t) maslashturghuchisi barbara manzini «qarshi élinmaydighan kishi» dep jakarlap, uning derhal chégradin chiqip kétishini telep qilghanidi.

burkina faso aldinqi ayda ikki firansiye puqrasini jasusluq jinayiti sadir qilish bilen eyiblep chégradin qoghlap chiqarghan, firansiyening «xelqara firansiye radiyosi (RFI)»ning anglitishini toxtatqanidi.