مۇقدىشودىكى بىر مېھمانسارايدا بومبا ھۇجۇمى يۈز بەردى

تۈركىيە ئاۋازى رادىيوسى خەۋىرى: سومالى دۆلەت خەۋەر ئاگېنتلىقى سوننانىڭ (SONNA) خەۋىرىدە بىلدۈرۈلىشىچە، پايتەخت مۇقدىشودىكى ۋىللا روز (VillaRose) مېھمانسارىيىدا ئىككى بومبا پارتلىغان ۋە ئارقىدىن قوراللىق ئېتىشىش يۈز بەرگەن.

مەزكۇر مېھمانسارايغا مىنىستىرلار ۋە ھۆكۈمەت مەسئۇللىرى پات-پات كېلىپ-كېتىدىغان بولۇپ، بۇ قېتىمقى ھۇجۇملاردا ئۆلۈم ھادىسىسىنىڭ يۈز بېرىپ-بەرمىگەنلىكى توغرىسىدا مەلۇمات بېرىلمىدى.

دۆلەتلىك باش ساقچى ئىدارىسىنىڭ باياناتچىسى سادىق دودىشە: «پۇقرالار ۋە ھۆكۈمەت مەسئۇللىرىنى ئۆز ئىچىگە ئالغان نۇرغۇن كىشى قۇتقۇزۇۋېلىندى. جىنايەتچىلەر بۇنىڭ بەدىلىنى تۆلەيدۇ» دېدى.

بەزى خەۋەر تور بەتلىرىدە، سومالى خەۋپسىزلىك مىنىستىرى مۇھەممەد ئەھمەت دودىشەنىڭ ھۇجۇملاردا يارىلانغانلىقى ئىلگىرى سۈرۈلدى.