ئۇكرائىنادىكى ھەرقايسى ئورگانلار رۇسىيەنىڭ باشقۇرۇلىدىغان ھۇجۇملىرى توغرىسىدا بايانات ئېلان قىلدى
ئۇكرائىنا دۆلەتلىك ساقچى ئىدارىسى باشلىقى ئىگور كلىمېنكو، رۇسىيە ئارمىيەسىنىڭ تۈنۈگۈنكى باشقۇرۇلىدىغان بومبا ھۇجۇملىرىدا ئالتە كىشىنىڭ قازا قىلغانلىقىنى، 36 كىشىنىڭ يارىلانغانلىقىنى ئۇقتۇردى.
1910335
تۈركىيە ئاۋازى رادىيوسى خەۋىرى: كىيېۋ شەھەر باشلىقى ۋىتالى كلىچكو، رۇسىيە ئارمىيەسىنىڭ پايتەخت كىيېۋغا 31 دانە چارلىغۇچى باشقۇرۇلىدىغان بومبا قويۇپ بەرگەنلىكىنى، بۇنىڭ 21 نىڭ ئۇكرائىنا ھاۋا مۇداپىئە سىستېمىسى تەرىپىدىن ئېتىپ چۈشۈرۈۋېتىلگەنلىكىنى بىلدۈردى.
ئۇكرائىنا دۆلەتلىك ساقچى ئىدارىسى باشلىقى ئىگور كلىمېنكو، رۇسىيە ئارمىيەسىنىڭ 16 مۇھىم ئۇل ئەسلىھەنى زەربە ئوبيېكتى قىلغانلىقىنى، بۇ ھۇجۇملاردا ئالتە كىشىنىڭ قازا قىلغانلىقىنى، 36 كىشىنىڭ يارىلانغانلىقىنى ئېيتتى.
ئۇكرائىنا ئېنېرگىيە شىركىتى — ئۇكرېنېرگونىڭ باياناتىدا بولسا، رۇسىيە ئارمىيەسىنىڭ راكېتا ھۇجۇمى نەتىجىسىدە پۈتۈن مەملىكەت مىقياسىدا سۇ ۋە توك ئۈزۈلۈپ قېلىش ئەھۋالىنىڭ كۆرۈلگەنلىكى تەكىتلەندى.
