hindistanda köwrük örülüp chüshüp, qaza qilghanlarning sani 141 gha yetti

türkiye awazi radiyosi xewiri: hindistanning gherbidiki gujarat ölkisige qarashliq morbi yézisida, üstide kem dégende 500 kishi bar bolghan bir asma köwrük örülüp chüshti.

weqede köwrüktiki yüzligen kishi machchu deryasigha chüshüp ketti we ulardin 141 kishi qaza qildi.

gujarat saqchi idarisi bashliqi ashish batiya izdesh we qutquzush xizmetlirining bashlanghanliqini we nurghun kishilerning qutuldurulghanliqini, emma qaza qilghanlar sanining köpiyishi mumkinkinlikini bildürdi.

bash ministir naréndra modi tiwittérda élan qilghan bayanatida, özining bu weqedin qattiq qayghurush ichide xewer tapqanliqini tekitlep, «izdesh we qutquzush etretliri ziyangha uchrighuchilargha yardem qilidu. gujarattiki pajie méni endishige saldi. oylirim we dualirim weqege uchrighan kishiler bilen bille» dégen ibarilerni ishletti.

naréndra modi weqede hayatidin ayrilghanlarning yéqinlirigha texminen 2430 dollar we yarilanghanlargha texminen 600 dollar yardem bérilidighanliqini éytti.