ئىراقتا 2 مىليارد 500 مىليون دوللار ئوغرىلىغان گۇماندار نازارەتكە ئېلىندى

تۈركىيە ئاۋازى رادىيوسى خەۋىرى: ئىراق رەسمىي خەۋەر ئاگېنتلىقى «INA» نىڭ خەۋىرىگە ئاساسلانغاندا، دۆلەت بانكىسىدىن 2 مىليارد 500 مىليون دوللار ئوغرىلاش دېلوسىغا ئالاقىدار تەكشۈرۈشتە، سوت مەھكىمىسى 3 كىشى ھەققىدە قولغا ئېلىش ۋە چېگرادىن چىقىشنى چەكلەش قارارى چىقاردى.

ئىچكى ئىشلار مىنىستىرى ئوسمان غانىمىمۇ گۇماندارلاردىن نۇر زۇھەيىر جاسىمنىڭ بىر خۇسۇسىي ئايروپىلان بىلەن چەتئەلگە قېچىشقا ئۇرۇنىۋاتقان پەيتتە ئايرودورومغا تەيىنلەنگەن ئالاھىدە قىسىم تەرىپىدىن قولغا ئېلىنغانلىقىنى بىلدۈردى.

ئىراقتا 16 - ئۆكتەبىردە، باش باج ئىدارىسىغا تەۋە 2 مىليارد 500 مىليون دوللارلىق ئامانەت پۇلنىڭ دۆلەت بانكىسىدىن ئوغرىلانغانلىقى ئىلگىرى سۈرۈلگەن ئىدى.