firansiye irandiki puqralirini bashqa döletlerge chiqip kétishke chaqirdi

türkiye awazi radiyosi xewiri: firansiye tashqi ishlar ministirliqi, iran sayahiti tewsiyesini öz ichige alghan qoshumche bayanat élan qilip, ikki dölet puqraliqigha ige kishilerni öz ichige alghan barliq firansiye puqralirigha «xalighanche qolgha élinish xewpi»ni nezerde tutup, irandin eng qisqa waqit ichide chiqip kétishni tewsiye qilidi.

bayanatta, iranning qosh dölet tewelikini étirap qilmaydighanliqi, konsulxana xadimlirining qosh dölet tewelikige ige firansiye puqraliri bilen bolghan alaqisining cheklik ikenlikige isharet qilindi.

ministirliqning bu bayanati, téhran hökümiti 5-ayda  jasusluq qilghanliqini ilgiri sürüp qolgha alghan ikki firansiye puqrasining «jasus ikenlikini étirap qilghanliqi» toghrisidiki körünüshlerni tarqitishidin kéyin élan qilindi.

iran, may éyida jasusluq bilen eyiblep nazaret astigha alghan firansiye puqrasi ikki kishining «firansiye tashqi istixbarat orgini üchün ishleydighanliqini, hakimiyet özgertish sharaiti yaritish üchün irangha kelgenliki»ni éytqan körünüshliri 10-ayning 6-küni iran dölet téléwiziyeside tarqitilghanidi.

firansiye iranning qamaqtiki ikki puqrasini özlirining «jasus» ikenlikini éytishqa mejburlighanliqini, ularning iqrarining toghra emeslikini bildürgenidi.

parizh hökümiti téhrandin qamaqtiki ikki firansiye puqrasini derhal qoyup bérishni telep qilghanidi.