جەنۇبىي كورېيەدە قارا يامغۇر جانغا زامىن بولدى

تۈركىيە ئاۋازى رادىيوسى خەۋىرى: «‹يونخاپ› ئاگېنتلىقى» نىڭ خەۋەر قىلىشىچە، ئۇدا 4 كۈن داۋاملاشقان قارا يامغۇر سەۋەبىدىن كۆپىنچىسى سېئۇلدىن بولۇپ، جەمئىي  3700 دىن ئارتۇق ئۆي سۇ ئاستىدا قالغان.

رەسمىي سانلىق مەلۇماتلارغا قارىغاندا، سېئۇلدا 6، گيوڭگى ئۆلكىسىدە 3، گاڭۋون ئۆلكىسىدە 2 بولۇپ، جەمئىي 11 ئادەم قازا قىلغان.

ئالاقىدار تارماقلارنىڭ بىلدۈرۈشىچە، 8 كىشىنىڭ تېخىچە ئىز – دېرىكى يوق ئىكەن.

قارا يامغۇر سەۋەبىدىن، كۆپىنچىسى سېئۇلدىن بولۇپ، جەمئىي 548 ئائىلىدىن 980 دىن ئارتۇق كىشى ئۆي – ماكانلىرىدىن ئايرىلىپ قالغان، دۆلەت مىقياسىدا 2 مىڭ 42 ئائىلىدىن 4 مىڭ 297 كىشى ۋاقىتلىق تارقاقلاشتۇرۇلغان.