xitay yekshenbe küni mudditi toshqanligha qarimay, teywenge qarshi manéwirini dawamlashturmaqta
xitay qisimliri teywen etrapidiki manéwirlar toghrisida élan qilghan hawa we déngiz bixeterlik agahlandurushi (NOTAM) ning waqti yekshenbi küni toshqanliqigha qarimastin, tünügünmu manéwirini dawamlashturdi.
türkiye awazi radiyosi xewiri: teywen dölet mudapie ministirliqi, amérika awam palatasi bashliqi nensi pélosining ziyaritidin kéyin xitay bashlighan herbiy manéwirning 4 künlük mudditidin halqip 5 – künige qedem qoyghanliqini we 5 - künide aral etrapida 39 urush ayropilani we 13 urush paraxotining körülgenlikini élan qildi.
teywen dölet mudapie ministirliqi teripidin élan qilinghan bayanatta, xitay hawa we déngiz wastilirining éléktronluq iz qoghlash qoralliri, charlash ayropilani, paraxot we bashqurulidighan bomba sistémisi arqiliq iz qoghlap közitilgenliki bildürüldi.
bayanatta yene, 21 xitay ayropilanining teywen boghuzidiki «tereplerning tesir dairisini cheklesh rayoni» dep qobul qilinghan déngiz liniyesining sherqide we teywen hawa mudapiesining perqlendürüsh rayonining gherbiy jenubiy qismida uchqanliqi bildürüldi.
ministirliq 3 - awghustta pélosi aralni ziyaret qilghanda 27 xitay ayropilanining aral etrapida körülgenlikini, 4-awghustta bolsa, teywen etrapida 22 xitay urush ayropilanining teywen etrapida körülgenlikini, 4-awghustta yene, xitay chong quruqluqidin étilghan 11 bashqurulidighan bombining teywen déngiz tewelikige chüshkenlikini bildürgen idi.
buningdin bashqa yene, 5 - awghustta aral etrapida 68 urush ayropilani we 13 urush paraxoti, 6- awghustta 20 urush ayropilani we 14 urush paraxoti, 7 - awghustta 66 ayropilan we 14 paraxotning körülgenliki élan qilinghan idi.
xitay 4-awghusttin 7-awghustqiche ötküzülidighanliqini jakarlighan bu manéwir arqiliq igilik hoquqi talash tartishliq aralning etrapida emeliy bir qorshawni peyda qilghan idi.
jemiy 6 rayonda élip bérilghan manéwir sewebidin bezi rayonlar paraxot we ayropilan qatnishigha taqalghan bolup teywen bughuzida bixeterlik endishisi sewebidin ammiwiy qatnashlarning üzülüp qalghanliqi xewer qilinghan idi.
xitay qisimliri tünügün élan qilghan bayanatida, manéwirgha munasiwetlik jakarlighan hawa we déngiz bixeterlik agahlandurushi (NOTAM) ning mudditi yekshenbe küni chüshte toshqanligha qarimastin, manéwirni dawamlashturidighanliqini élan qildi.
مۇناسىۋەتلىك خەۋەرلەر
