lawrow nensi pélosining teywen ziyaritige «ighwagerchilik» dep baha berdi
rusiye tashqi ishlar ministiri sérgéy lawrow, amérika awam palatasi bashliqi nensi pélosining teywen ziyariti toghrisida toxtaldi.
türkiye awazi radiyosi xewiri: rusiye tashqi ishlar ministiri sérgéy lawrow, amérika awam palatasi bashliqi nensi pélosining teywen ziyaritige «bu (amérika qoshma ishtatlirining) hemmige hemmila nersining jazagha tartilmaydighanliqini ispatlash we her qandaq ishni qilghili bolidighanliqini körsitish arzusi» dep baha berdi.
birmada dölet ishliri ziyaritide bolghan sérgéy lawrow birma tashqi ishlar ministiri wunna maung lwin bilen körüshkendin kéyin muxbirlarni kütüwélish yighini ötküzdi.
u, pélosining teywen ziyariti toghrisida toxtilip: « bu (amérika qoshma ishtatlirining) hemmige hemmila nersining jazagha tartilmaydighanliqini ispatlash we her qandaq ishni qilghili bolidighanliqini körsitish arzusi, men némini xalisam shuni qilimen logikisidur. buning xitaygha nisbeten némidin dérek béridighanliqini obdan bilip turup, bihude ighwagerchilik peyda qilishtin bashqa nerse emes, dep qaraymen» dédi.
sérgéy lawrow, rusiye bilen amérika otturisida imzalanghan yéngi istratégiyelik qorallarni qisqartish kélishimining mudditini uzartish mesilisini tilgha élip: «söhbet musapisini eslige keltürüshke dair héchqandaq telep yoq» dédi.
