ukraina: rusiye ukrainaliq esir eskerler qamalghan türmini bombardiman qildi
ukraina tashqi ishlar ministiri dimitro kuléba, ruslarning ukrainaliq esirler qamalghan oléniwka türmisini bombardiman qilghanliqini bildürdi.
türkiye awazi radiyosi xewiri: ukraina tashqi ishlar ministiri kuléba twittérda bayanat élan qilip, birleshken döletler teshkilati (b d t) ning, nechche on ukrainaliq esir eskerning ölümini keltürüp chiqarghan oléniwka türmisi hujumigha naraziliq bildürüshi kéreklikini otturigha qoyup: «ukraina eskerlirining azowstaldin chékindürülüshige yardem bergen b d t ning, oléniwka türmisini bombardiman qilghan rusiyeni küchlük eyiblishini we bu qebih jinayetning barliq pakitlirini ashkarilash üchün rayonni ziyaret qilishini telep qilimen» dédi.
kuléba yene, xelqara qizil kirést komitétinimu ukraina mehbuslirining ehwalini tekshürüshke chaqirdi.
rusiye bolsa, türmini ukraina armiyesining bombardiman qilghanliqini ilgiri sürmekte؛ rusiye dölet mudapie ministirliqin bayanatchisi igor konashénkof, ukraina armiyesining olénéwka olturaq rayonigha yéqin jayda esirge chüshken ukraina eskerliri qamalghan türmige amérikada yasalghan yuqiri iqtidarliq zembirek rakéta sistémisidin paydilinip bashqurulidighan bomba hujumi qilghanliqini؛ hujumda 40 neper ukraina esir eskirining hayatidin ayrilghanliqini, 75 kishining yarilanghanliqini uqturghanidi.
مۇناسىۋەتلىك خەۋەرلەر
