rusiye qomandanliri ikkilinishke bashlighan

türkiye awazi radiyosi xewiri: engliyede élan qilinghan ukraina-rusiye urushigha munasiwetlik istixbarat doklatida qeyt qilinishiche, rusiye qomandanliri sherq sépige bolghan herbiy yardemni kapaletke ige qilish yaki gherbiy septe mudapieni kücheytish arisida ikkilenmekte iken.

engliye dölet mudapie wazaritining doklatida, ukrainaning hem donbas hemde xérson rayonlirida netijisi chiqmighan urushlarning dawamlishiwatqanliqi bildürüldi.

doklatta mundaq déyildi:

«rusiye qomandanliri sherqiy septe hujumni kapaletke ige qilish yaki gherbiy septe mudapieni kücheytish arisida ikkilenmekte. istixbarat organliri 2022-yili 18-iyul rusiyening bélgorod rayonida ukraina chégrasigha 10 kilométir yiraqliqtiki barwinol etrapida rusiyening herbiy aptomobil rémont we asirash merkizini bayqidi. merkezde tankilar, bironiwiklar we herbiy aptomobillarni öz ichige alghan, eng az dégende 300 din artuq buzulghan esliheler bar idi. rusiye höjjetleshtürülgen herbiy xadimlar mesilisige qoshumche, ukrainada zerbige uchrighan minglarche urush eslihelirini qayturup kélish we rémont qilishni dawamlashturushi éhtimal.»

xérson rayonining memuriy ishlirigha mesul muawin bashliqi sérgiy xlan ukraina téléwiziyesining ziyaritini qobul qilghanda, urush sepliride burulush boluwatqanliqini eskertip: «urush sepliride burulush boluwatqanliqini éytalaymiz. mudapiedin qayturma hujumgha ötüwatimiz. séntebirgiche xérson rayonini choqum azad qilip, ishghalchilarning pilanlirini bitchit qilimiz» dédi.