ئۇكرائىنادا يەنە بىر ئامېرىكا پۇقراسىنىڭ قازا قىلغانلىقى جەزملەشتى
ئامېرىكا يەنە بىر پۇقراسىنىڭ ئۇكرائىنادا قازا قىلغانلىقىنى جەزملەشتۈردى.
تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرلىقىدىن ئىسمىنى ئاشكارىلاشنى خالىمايدىغان يۇقىرى دەرىجىلىك بىر ئەمەلدارلار بۇ ھەقتە مۇخبىرلار بىلەن تېلېفون يىغىنى ئۆتكۈزدى.
ئالاقىدار ئەمەلدار ئۆلگۈچى ھەققىدە تەپسىلىي ئۇچۇر بەرمىدى، ستېفېن زابېلسكى ئىسىملىك ئامېرىكا پۇقراسىنىڭ ئۇكرائىنادا ئۆلگەنلىكىنى بىلدۈردى.
ھۆكۈمەت دائىرىلىرى زابىئېلسكىنىڭ ئائىلىسىدىكىلەر بىلەن ئالاقىلىشىۋاتقانلىقىنى بىلدۈرۈپ، ئامېرىكا پۇقرالىرىنى 24-فېۋرالدىن بۇيان رۇسىيە بىلەن ئۇرۇش قىلىۋاتقان ئۇكرائىناغا بارماسلىققا چاقىرىق قىلدى.
ئالاقىدار تارماقلار ئۆلگۈچى ھەققىدە رۇسىيە ھۆكۈمىتى بىلەنمۇ سۆھبەتلەشكەنلىكىنى ئېيتتى.
يەنە بىر تەرەپتىن، ئاقساراي دۆلەت بىخەتەرلىك كېڭىشىنىڭ ئىستراتېگىيىلىك ئالاقە ماسلاشتۇرغۇچىسى جون كىربىي رۇسىيەنىڭ: «ئۇكرائىنادا ئۇرۇش قىلىۋاتقان ئامېرىكا پۇقرالىرى جەنۋە كېلىشىمى دائىرىسىدىكى قوغداش ئاستىدا ئەمەس ۋە بۇلارنى ئۆلۈم بىلەن جازالاشقا بولىدۇ» دېگەن بايانىغا نارازىلىق بىلدۈردى.
