nigériyediki katolik chérkawida jénidin ayrilghanlarning sani ashti
nigériyediki ondo ishtatigha qarashliq owo rayonidiki bir katolik chérkawigha qilinghan hujumda jénidin ayrilghanlarning sani 40 qa chiqti.
türkiye awazi radiyosi xewiri: nigériye ondo ishtatining waliysi rotimi akredolu bayanat élan qilip, hujumda jénidin ayrilghanlar sanining 22 din 40 qa köpeygenlikini we yarilanghan 26 kishining doxturxanidin chiqqanliqini eskertti.
nigériye ichki ishlar ministiri rauf arégbésola pirézidéntliq sariyida ötküzülgen dölet bixeterlik kéngishi yighinidin kéyin, hujumgha térrorluq teshkilati boko haramgha chétishliq iswapning (ISWAP) jawabkar ikenlikini bildürdi.
u nigériye pirézidénti muhemmed buxarining saqchi we bashqa barliq xewpsizlik organlirigha jinayetchilerni tutushqa perman chüshürgenlikini eskertip, pat yéqinda jinayetchilerning sotqa tapshurup bérilidighanliqini qeyt qildi.
nigériyening ondo ishtatida 5-iyun (2022) qoralliq kishilerning owo rayonidiki katolik chérkawida ibadet qiliwatqan puqralargha hujum qilishi netijiside jénidin ayrilghanlar üchün dölet miqyasida yette künlük matem élan qilinghan idi.
مۇناسىۋەتلىك خەۋەرلەر
israiliyelikler bashqa döletlerge chiqip kétishni dawamlashturmaqta
2024-yilning deslepki 7 éyida 40 ming israiliyelik döletni terk etti.
