arésku: bizning türkiye bilen bolghan hemkarliqimiz qaradéngiz bilenla cheklinip qalmaydu

türkiye awazi radiyosi xewiri: türkiye bilen ruméniyening muhim ishining qaradéngizning bixeterliki ikenlikini bildürgen arésku: «biz qara déngizdiki hemkarliqimiz, jughrapiyelik ornimiz we qoshnilirimiz bilen munasiwetlik özgirishlerni oylishishimiz kérek, emma bizning hemkarliqimiz peqet qaradéngiz bilenla cheklenmeydu. rominiye bilen türkiye otturisida nahayiti yaxshi iqtisadiy hemkarliq bar. ötken yili ikki döletning soda hejimi 8 milyard 600 milyon dollargha yetti. biz buni ashurushqa mohtajmiz. bu jehette téximu köp ishlarni qilalaymiz. arimizda ulughwar nishanlar bar» dédi.

u, (türkiye jumhuriyiti) tashqi ishlar ministiri mewlüt chawushoghlu bilen ikki döletning istratégiyelik shériklik munasiwitining tereqqiyati we chongqurlishishigha paydiliq söhbetlerni ötküzüwatqanliqini eskertip, ikki dölet otturisida ortaq méxanizm ornitish idiyesinimu küntertipke kirgüzgenliklirini éytti.

türkiyening «énérgiye karidori» bolush nuqtisidiki ornining muhim ikenlikini bayan qilghan arésku, türkiye bilen peqet énérgiye yoli toghrisidila emes, belki menbelerning köp xillashturushi toghrisidimu teyyarliq xizmetlirini ishlewatqanliqlirini bildürdi.

u yene, bir milyondin artuq ukraina puqrasigha ishiklirini achqanliqlirini sözlirige ilawe qildi.