wang: xitay ukraina krizisigha terep bolmaydu

türkiye awazi radiyosi xewiri: xitay tashqi ishlar ministirliqining bayanatigha asaslanghanda, ministir wang tünügün (15-mart) ispaniyelik mensepdéshi josé manuél albaris buéno bilen téléfonda körüshüp, ukrainaning nöwettiki weziyiti heqqide pikir almashturghan.

ispaniye tashqi ishlar ministiri buéno ukraina weziyitining yawropadiki tinchliq we muqimliqqa tehdit shekillendürgenlikini, ispaniyening diyalog we diplomatik yollar bilen baldurraq urushning toxtitilishini ümid qilidighanliqini tekitlep, xitayning bu jehette aktip rol oynishini ümid qilidighanliqlirini tilgha alghan.

wangmu xitayning birleshken döletler teshkilati xewpsizlik kéngishining daimiy ezasi bolush süpiti bilen bashtin-axiri tinchliq söhbitige ilhamlandurghanliqini, rusiye bilen ukraina otturisidiki tötinchi qétimliq tinchliq söhbitining barliq terepler üchün qobul qilarliq ilgirileshlerni qolgha keltürüshini ümid qilidighanliqini bayan qilghan.

wang ukrainadiki kirizisning yawropada köp yillardin buyan yéghilip qalghan bixeterlik endishisining netijisi ikenlikini tekitlep, xitayning rusiye bilen ukraina otturisidiki urushning toxtitilishi we tinchliq söhbiti bilen urushning axirilishishigha ilhamlandurghanliqini, öz nöwitide yene yawropa we rusiyeningmu barawerlik asasidiki diyalog we muzakire arqiliq bir-birining bixeterlik endishelirige qobul qilghili bolidighan hel qilish charisi tépishini hemde tengpungluqqa ige, ünümlük shundaqla sijil yawropa bixeterlik qurulmisini berpa qilishini ümid qilidighanliqlirini tekitlgen.

xitayning émbagolar arqiliq mesililerni hel qilishni ezeldin qollimaydighanliqini we xelqara liq qanunda orni bolmighan bir tereplime émbargolargha daim qarshi chiqip kelgenlikini, bu xil qedemlerning xelqaraliq qaidelerning ehmiyitini töwenlitiwitidighanliqini hemde dölet xelqlirining parawanliqigha selbiy tesir körsitidighanliqini bildürgen.

wang: «xitay ukraina kirizisigha biwasite terep bolmaydu we téximu köp émbargolarning tesirige uchrighusi yoq. xitayning qanunluq hoquqini we menpeetini qoghdash hoquqi bar» dégen.

wang ispaniyening yawropada muqimliq amili ikenlikini we kirizisning tinch yol bilen hel qilinishigha töhpe qoshalaydighanliqini tekitlep sözni axirlashturghan.

rusiye qisimliri 24-féwralda (2022) ukrainagha hujum bashlighan we arqidinla rusiye hökümitige qarita émbargolar yüzgüzülüshke bashlanghan idi.