ئىمران خان بۈگۈن موسكۋادا دۆلەت ئىشلىرى زىيارىتىدە بولىدۇ

تۈركىيە ئاۋازى رادىيوسى خەۋىرى: بۈگۈن ئەتىگەن ئىسلامئاباد ئايرودۇرۇمىدىن موسكۋاغا قاراپ يولغا چىققان ئىمران خاننىڭ زىيارىتى سابىق باش مىنىستىر ناۋاز شەرىفنىڭ سوغۇق مۇناسىۋەتلەر ئۇرۇشى ئاخىرلاشقاندىن كېيىن، ئىككى تەرەپ مۇناسىۋىتىنى گۈللەندۈرۈش مەقسىتىدە ئېلىپ بېرىلغان 1999-يىلى 4 – ئايدىكى رۇسىيە زىيارىتىدىن  بۇيانقى تۇنجى باش مىنىستىر دەرىجىلىك زىيارەت بولۇپ ھېسابلىنىدۇ.

باش مىنىستىر  ئىمران خاننىڭ كۈنتەرتىپىدە ئىككى دۆلەت مۇناسىۋىتىنىڭ كۆزدىن كەچۈرۈلۈشى، رايون ۋە خەلقئارالىق مەسىلىلەر، ئىسلام دۈشمەنلىكى، ئافغانىستاننىڭ نۆۋەتتىكى ۋەزىيىتى ۋە ئېنېرگىيە ھەمكارلىقى قاتارلىق مەسىلىلەر بار.