بلىنكېن لاپىد بىلەن ئۇكرائىنا ۋە ئىران توغرىسىدا سۆزلەشتى

تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرلىقى يازما بايانات ئېلان قىلىپ، ئانتوني بلىنكېن بىلەن يائىر لاپىدنىڭ تېلېفونلىشىپ، رايون ۋە خەلقئارادىكى ئىككى تەرەپ ئورتاق كۆڭۈل بۆلىدىغان مەسىلىلەر توغرىسىدا سۆزلەشكەنلىكىنى بىلدۈردى.

باياناتتا، تېلېفون سۆھبىتى جەريانىدا «رۇسىيەنىڭ ئۇكرائىناغا قاراتقان ھۇجۇمچى پوزىتسىيەسى، ئىرانىڭ رايوندا پەيدا قىلغان خەۋپلىرى»نىڭ مۇھاكىمە قىلىنغانلىقى ۋە مىنىستىر بلىنكېننىڭ «ئامېرىكا قوشما ئىشتاتلىرى ھۆكۈمىتىنىڭ ئىسرائىلىيەنىڭ بىخەتەرلىكىنى قوغداش ۋەدىسىدە چىڭ تۇرىدىغانلىقىنى تەكىتلىگەنلىكى» قەيت قىلىندى.