baydin zélénéskiygha ukrainani qollaydighanliqi toghrisida wede berdi

türkiye awazi radiyosi xewiri: aqsaray bayanat élan qilip,  pirézidént jo baydin bilen pirézidént wiladimir zélénskiyning téléfon söhbiti ötküzgenlikini, söhbet jeryanida baydinning zélénskiygha: «amérika we uning ittipaqdash we shérikliri rusiye ukrainagha tajawuz qilghan teqdirde, keskin jawab qayturidu» dep wede bergenlikini uqturdi.

ikki rehber yene, kéler hepte bashlinidighan shimaliy atlantik ehdi teshkilati bilen rusiye kéngishidiki ikki tereplik istratégiyelik muqimliq söhbitini  hemde yawropa bixeterlik we hemkarliq teshkilatining diplomatik tirishchanliqini qollaydighanliqini bildürdi.

baydin yene, amérikaning ukrainaning igilik hoquqi we zémin pütünlükini qollaydighanliqini, donbastiki ziddiyetni peseytish üchün ishench turghuzush tedbirlirining yolgha qoyulushini we minsiki kélishimining yolgha qoyulushi üchün aktip diplomatiye yürgüzüsh tirishchanliqini qollaydighanliqinimu qayta tekitlidi.